A Asociación Ferrolter​ra Nosa Memoria solicita anular o rueiro do Arsenal Militar de Ferrol

Nota de prensa

Ferrol 16/12/11

"Ferrolterra Nosa Memoria" insta a Cortés Uría a suprimir o rueiro do Arsenal

A Asociación "Ferrolterra Nosa Memoria" ven de presentar no Rexistro Xeral do Arsenal de Ferrol un escrito solicitando ó Almirante Xefe a supresión dos nomes das rúas do Arsenal. Esta asociación denuncia que o recinto militar está inzado de nomes de militares que no ano 1936 non dubidaron en sumarse á rebelión de Franco para alzarse contra un goberno legalmente establecido.

Ferrolterra NM cré que manter o rueiro actual do Arsenal é , aparte de ilegal, vergoñento tanto para a Armada como para a cidade de Ferrol. Estase ensalzando a militares golpistas e lexitimando que as Forzas Armadas, nun momento dado , poidan someter a vontade do pobo. Por todo elo insta ó almirante Cortés Uría a borrar das súas dependencias os nomes de afectos ó réxime franquista e cooperadores do que acabou sendo un dos maiores xenocidios de Europa.