 |
| Fachada do edificio de Aduanas de Vigo |
O regidor Abel Caballero mentiu (Nota Estación Atlántica)
Todas as Administracións manteñen elementos con simboloxía preconstitucional
Esta semana, o alcalde de Vigo, Abel Caballero, afirmaba na cadea de televisión La Sexta que en Vigo non había simboloxía franquista nas súas rúas. Sete anos despois da aprobación da Lei de Memoria Histórica, diversos edificios públicos seguen exhibindo elementos derivados da sublevación militar de 1936, e contradín as manifestacións do rexedor vigués.
A famosa lei, impulsada polo Goberno socialista de José Luis Rodríguez Zapatero , indicaba que debería ser retirados de edificios e espazos públicos os «escudos, insignias, placas e outros obxectos ou mencións conmemorativas de exaltación persoal ou colectiva do levantamento militar, da Guerra Civil e da represión da ditadura».
Atendendo ao texto, todas as Administracións están incumprindo a lei actualmente na cidade de Vigo, aínda que é ben certo que ningunha delas, salvo o Concello de Vigo, trata de defender o seu inacción ante a lei, e menos recorre unha sentenza xudicial para continuar sen cumprir a reparación.
Ao incumprimento do Concello de Vigo materializado na negativa a derrubar a cruz do Castro hai que engadir a estraña dualidade do Goberno do Estado. Mentres o Ministerio de Defensa si modificou os escudos preconstitucionales existentes nas dúas fachadas da Comandancia de Marina , o Ministerio de Facenda non fixo o mesmo no veciño edificio de Aduanas. A súa fachada principal segue presidida polo escudo que contén a aguia de San Xoán e o xugo e as frechas. As dimensións do elemento decorativo provocan que non pase desapercibido, aínda que no Ministerio de Facenda parecen esquecerse da supresión deste vestixio do pasado ditatorial.
 |
| Fachada do sindicato de estibadores. |
Alén da sede da Comandancia de Marina existe outro edificio con dous escudos franquistas. É a actual sede do sindicato de estibadores de UGT e o local adxacente, onde se abre un restaurante. No primeiro espazo pódese ver un pequeno escudo preconstitucional, amentas que no outro espazo sitúase un escudo relacionado co sindicato vertical falanxista.
 |
| Fachado do Instituto Sta. Irene no barrio das Travesas en Vigo |
A responsabilidade da Xunta de Galicia está patente na fachada do Instituto de Ensino Secundario Santa Irene. O edificio, que foi concluído polo arquitecto Antonio Cominges Tapias en 1946, ofrece un escudo franquista de grandes dimensións na súa fachada principal.
 |
| Nas igrexas segue presente o nome de José Antonio Primo de Rivera. |
Se é certo que a Igrexa retirou as listas de caídos dos seus templos parroquias no termo municipal vigués, tamén o é que non puido tocar as inscricións realizadas por incisión. Son varios os templos da cidade que seguen acollendo o nome de José Antonio Primo de Rivera nos seus muros. E a cuestión non deixa de ser curiosa porque moitos dos nomes que engrosaban a lista de caídos, é dicir os soldados franquistas falecidos en combate, eran novos que foron chamados a filas e non todos, aínda tamén os houbo, foron voluntarios a defender as súas idea políticas á fronte de guerra.
Pero o elemento franquista máis estendido por toda a cidade son as placas do antigo Instituto Nacional da Vivenda. Son as placas que anuncian que as vivendas que as portan están «acollidas aos beneficios das leis de 15 de xullo de 1954 e de 13 de novembro de 1957. Estas placas son moi habituais nas rúas nacidas a finais da década dos anos cincuenta.
Pero, sen dúbida, o elemento máis destacado deste ronsel de símbolos franquistas na cidade de Vigo é o Monumento aos Caídos, tamén coñecido pola Cruz do Castro. Este conxunto foi inaugurado por Francisco Franco o 14 de setembro de 1961, é dicir, hoxe cúmprense 53 anos diso.
O monumento foi construído polo Concello, atendendo a petición da xefatura local da Falanxe. O motivo do elemento era recordar aos soldados do bando franquista falecidos na Guerra Civil. Concretamente, aos 330 vigueses do bando vencedor falecidos na guerra. O Concello gastouse entón máis dun millón de pesetas na construción deste elemento, que serviu para acoller as concentracións falanxistas durante anos.
Máis información:
Nenhum comentário:
Postar um comentário